Arrestohet vrasësi 21-vjeçar Jozef Mujeci

Ky është moment i arrestimit të 21-vjecarit Jozef Mujeci, autori i dyshuar i vrasjes së 47-vjeçarit Genc Mhillaj ditën e enjte në Shkodër. 21-vjeçari, banues në Lezhë, u kap në fshatin Gruemirë në Malësi të Madhe, i fshehur në një banesë të braktisur. Arrestimi i tij është bërë në orët e para të mëngjesit te kësaj te premteje dhe sipas policisë, i riu nuk ka bërë rezistencë. Ngjarja e rëndë, ku humbi jetën babai katër fëmijëve, ndodhi rreth orës 11:00 mesditën e së enjtes në fshatin Mali Jushit.
Nga hetimet, rezultoi se konflikti mes viktimës dhe 21-vjeçarit kishte nisur tre ditë më parë në Torovicë. Dyshohet se ata ishin zënë per nje parakalim. 21-vjeçari Jozef Mujeci akuzohet per “Vrasje me paramendim te kryer në bashkëpunim” si dhe për “Armëmbajtje pa leje”.