Një serb është vënë në prangat e policisë së Kosovës si një person I dyshuar për krime lufte kundër popullsisë civile në komunën e Lipjanit.
I ndaluari është serbi me iniciale G.S, për të cilin Prokuroria ka kërkuar nga Gjykata masën e paraburgimit.
Sipas policisë së Kosovës i arrestuari dyshohet se me 15 dhe 16 prill të vitit 1999, se bashku me të dyshuar të tjerë, pjesëtarë të njësive rezervë të ushtrisë dhe policisë serbe, gjatë një ofenzive kundër popullsisë civile në komunën e Lipjanit dhe rrethinë.
Ky person në bashkëpunim me të tjerë përmes përdorimit e forcës ushtarake, plaçkitjes, dhunës dhe frikësimit, i kanë dëbuar popullsinë civile nga shtëpitë e tyre, pastaj nga familjet të cilat po përpiqeshin të largohen. Të pandehurit, i kanë ndarë dhjetra persona, të cilët më pas i kanë vrarë.
