Kapet njeriu me kapele

Arrestohet Mohamed Abrini, i shumëkërkuari per sulmet terroriste te 13 nëntorit te kaluar ne Paris. Prokuroret belg konfirmuan se 31 vjecari nga Belgjika me origjine marokene, bashkëpunëtor i terroristit Salah Abdeslam, u arrestua ne zonën e Anderlehtit ne periferi te Brukselit.
Abrini ishte filmuar se bashku me Salah Abdeslam ne nje automjet ne nje pike karburanti dy dite perpara sulmeve te Parisit, automjet qe u perdor me pas per masakrat. Sipas mediave belge, Abrini është personi me kapele, terroristi i trete i kerkuar edhe per shpërthimin ne aeroportin Zaventem te Brukselit ne 22 mars. ADN e tij është gjetur edhe ne apartamentin ne Sherbek, prej nga u nisen kamikazët per ne aeroportin e Brukselit. Abrini, nje person me te kaluar kriminale, ishte i kërkuari i fundit i masakrës se Parisit, që arriti t’i shpëtonte policisë. Gjate konferencës per shtyp hetuesit konfirmuan se gjate operacionit te zhvilluar pasditen e se premtes janë arrestuar edhe katër persona te tjerë per lidhje me sulmet e Brukselit. Njeri prej tyre eshte identifikuar si Osama Krayem,qe ndihmoi kamikazin Khalid el-Bakraoui, i cili shpërtheu veten ne stacionin e metrosë ne Maelbek. Ky eshte personi qe bleu ne nje qendër tregtare çantat me te cilat u transportuan bombat e përdorura ne sulme.