Gjykata e Vlorës caktoi masën e arrestit me burg për kryeinspektorin e mbrojtjes se territorit ne Bashkinë e Vlorës, Kledjon Ramaj, i dyshuar per “shpërdorim detyre”. Sipas organit të akuzës, vetëm për gjashtë muajt e parë të vitit 2017, janë referuar 81 materiale për veprën penale të ndërtimit të paligjshëm, ndërsa ne asnjë prej këtyre rasteve nuk është ndërhyre. Nga hetimet është vërtetuar se kryeinspektori nuk ka përmbushur detyrën, duke mos kryer inspektim ne terren për gjetjen e ndërtimeve pa leje.
