Arrestohet italiani me hashash, ishte nisur nga Durrësi

Një 50-vjeçar italian u arrestua në portin e Barit, pasi në bagazhin e automjetit të tij u gjetën gati 10 kilograme marijuhanë dhe 1 kg vaj hashashi. Ndalimi i tij u bë pas një shkëmbimi informacionesh mes Guardia Di Finanza dhe policisë së kufirit Durrës. Italiani ishte nisur nga porti i Durrësit në drejtim të shtetit fqinj, ndërsa në njoftimin e policisë, thuhet se vijon ende puna për zbardhjen e plotë të këtij rasti, pasi dyshohet për rrjet trafikimi të lëndëve narkotike.