Arrestohet ish-Shefi i Sektorit Ligjor të burgut të Peqinit, Gani Shehu, pasi akuzohet nga SPAK për “Falsifikimit të dokumenteve”.

Prokuroria e Posaçme ka njoftuar se Shehu paraqiti të dhëna të rreme për një të burgosur që t’i mundësonte lirimin.

Implikimi i tij në këtë vepër penale u zbulua gjatë një seance gjyqësore në ngarkim të shtetasit V.B.T, i cili po hetohet nga Prokuroria e Posaçme.

I pandehuri kishte kërkuar ndryshim të masës së sigurimit dhe avokati i tij kishte paraqitur në gjyq si provë një shkresë me lëndë: “Kthim përgjigje” e Institucionit të Ekzekutimit të Vendimeve Penale, Peqin e datës 14.01.2021.

Sipas SPAK, “pas kryerjes së shumë veprimeve hetimore, u krijua dyshimi i arsyeshëm se, në shkresën e datës 14.01.2021 të nxjerrë nga IEVP, Peqin, paraqiteshin të dhëna të rreme të cilat shkonin në drejtim të lehtësimit të pozitës së të hetuarit V.B.(I).

Gjithashtu, nga provat e grumbulluara deri në këtë fazë të hetimit krijohet dyshimi i arsyeshëm se, personi që ka përgatitur këtë shkresë në të cilën janë pasqyruar të dhëna të rreme, është Shehu.

Leave a Reply

Your email address will not be published. Required fields are marked *