Gjykata greke ka dhënë masën e arrestit me burg për ish-ministrin grek të mbrojtjes Janos Papantoniu dhe bashkëshorten e tij Stavrula Kuraku, nën akuzat për korrupsion dhe pastrim parash. Arrestimi i tyre u bë mbrëmjen e së martës. Këto pamje tregojnë momentin kur ata shoqërohen nga policia me pranga në duar.
Ish ministri u mor në pyetje për më shumë se 18 orë. Papantoniu ka mohuar akuzat sipas së cilave ai përfitoi 2.4 miliona euro ryshfet në vitin 2013 për një kontratë për modernizimin e Marinës Helene.
Ryshfeti, sipas hetimeve, ishte depozituar në llogaritë bankare të çiftit Papantoniu.
Por ish ministri pohoi u ka sqaruar hetuesve se anulimi i kontratës mund t’i kishte shkaktuar një dëm të madh shtetit grek. Edhe bashkëshortja e tij nga ana tjetër mohoi akuzat gjatë dëshmisë e cila zgjati 4 orë.
Ndërsa një inxhinier i akuzuar nga hetuesit për çështjen, ka kërkuar falje dhe u lirua me kusht.
Janos Papantoniu është ministri i dytë grek i mbrojtjes qe akuzohet për korrupsion, pas Akis Xohaxopulos qe përfundoi ne burg për afera të ngjashme.
