Arrestohet ish-kreu i zyrës se regjistrimit

Është arrestuar këtë të hënë me urdhër të Prokurorisë së Shkodrës, ish-kreu i zyrës së Regjistrimit të Pasurive të Paluajtshme, Shkëlzen Berisha. Ai akuzohet për veprën penale “Shpërdorimi i detyre” dhe ”Kallëzimi i Rremë”. Prokuroria dyshon se Shkëlzen Berisha, në bashkëpunim me topografin dhe juristin e hipotekës, kanë regjistruar pronën shtet 8000 m2 në fshatin Theth në emër të një shtetasi, i cili as nuk kishte aplikuar për atë sipërfaqe. Hetimet për këtë çështje nisën pas kallëzim të vetë regjistruesit aktual, i cili ka deklaruar se ka konstatuar një shkelje ligjore. Nga hetimet rezultoi se për regjistrimin e kësaj prone në mënyrë të kundërligjshme, ka qenë në dijeni edhe vetë ish-kryerregjistruesi i Shkodrës.