FBI arreston 28-vjeçarin Ahmad Rahami, si të dyshuarin kryesor në bombardimet e Nju Xhersit dhe në Manhatan. Ndalimi i tij erdhi pas një shkëmbimi zjarri që shtetasi amerikan me origjinë afgane pati me policinë në linden, ku ai dhe dy efektivë janë plagosur. I dyshuari eshte jashtë rrezikut per jetën. Policia është në kërkim dhe të familjarëve të 28-vjeçarit. Megjithatë ka ende pikëpyetje nëse sulmet e Nju Jorkut ku u lënduan 29 persona dhe ato të Nju Xhersit kanë lidhje me njëra-tjetrën. Edhe vetë presidenti Obama deklaroi pak para arrestimit, se ka pak gjasa që këto ngjarje te kenë lidhje.

“Hetimi i FBI-se është shume dinamik qe ndryshon nga momenti ne moment. Investigimi është fokusuar te “aktet terroriste” por autoritetet theksojnë se nuk ka nje lidhje mes sulmeve te Nju Xhersit, Nju Jorkut dhe atyre ne Minesota. Fatmirësisht ne ngjarjet e fundit janë lënduar me dhjetëra vete dhe nuk kemi asnjë viktime. Ata duan te na frikësojnë, por ne nuk do te dorëzohemi kaq lehte”. 

Me heret, policia njoftoi se pranë nje stacioni hekurudhor ne Nju Xhersi ne nje kosh plehrash u gjet nje çante shpine, brenda se cilës ndodheshin pese bomba artizanale. Njera prej tyre shpërtheu teksa nje skuadër e specializuar behej gati ta çaktivizonte me një robot. Bomba qe shpërtheu se bashku me nje tjetër, nje tenxhere me presion e lidhur me tela dhe një celular, sipas informacioneve te siguruara nga mediat amerikane, ishin te ngjashme me bombat e përdorura gjate nje sulmi ne maratonën e Bostonit ne vitin 2013.

 

 

Leave a Reply

Your email address will not be published. Required fields are marked *