Arrestohet dy punonjës të IKMT, merrnin para nga bizneset dhe nuk raportonin shkeljet
Dy punonjës të IKMT-së janë arrestuar pasditen e sotme nga policia e Beratit. Ata janë arrestuar në banesat e tyre në qytetin e Tiranës dhe janë sjellë në ambientet e Komisariatit të Policisë Berat, pas masës së sigurisë “arrest në burg” që caktoi sot Gjykata e Beratit.
Shtetasit E.B dhe A.D, të dy inpektorë të IKMT-së, mësohet se akuzohen për “korrupsion” dhe “shpërdorim detyre”.
Dy punonjësit e IKMT ishin në hetim penal nga Prokuroria e Beratit që prej vitit 2021.Nga hetimet e kryera me metoda proaktive, përgjime, vëzhgime ka rezultuar se dy punonjësit e IKMT-së shkonin për kontrrolle në shumë subjekte të përpunimit të pllakave të gurit dekorativ në Malin e Tomorrit dhe në këmbim të vlerave monetare që merrnin nuk mbanin asnjë akt-konstatimi për shkeljet e evidentuara nga firmat e gurit në Tomorr.
