Drejtori i komanduar i burgut të Reçit, Ervis Zika, u arrestua nga Prokuroria e Shkodrës nën akuzën e shpërdorimit të detyrës.
Hetimet e organit të akuzës provuan se drejtori kishte lejuar futjen e sendeve të paligjshme në ambientet e burgut që ai drejtonte.
Po ashtu, prokuroria pohon se Zika, ka vjedhur sasi të konsiderueshme karburanti për përdorim vetjak.
Pas arrestimit të drejtorit të komanduar, në krye të burgut të Reçit është emëruar, Seit Vuçaj.
