Arrestohet bashkëpunëtorja e grabitësit serial/ E ndihmoi t’i shpëtonte policisë

Policia e Durrësit ka arrestuar këtë të dielë edhe bashkëpunëtoren e shtetasit Astrit Thaçi, i cili akuzohet për tetë vjedhje të kryera në Tiranë, Durrës dhe Elbasan.

Sipas policisë, shtetasja A. B., 20 vjeçe ka ndihmuar Thaçin që t’i shpëtojë policisë. Ajo akuzohet për veprën penale “Përkrahja e autorit të krimit”.

Astrit Thaçi ka vjedhur markete, argjendari, banka të nivelit të dytë, banesa dhe qytetarë në rrugë. Ai ishte kthyer në një grabitës serial.