Arben Frroku i dënuar me burgim te përjetshëm per vrasjen e kryekomisarit Dritan Lamaj, arrestohet ne Holandë. Frroku është kapur nga policia me dokumenta greke, te falsifikuara dhe mbante identitetin e rreme Renato Xepa. Ai është arrestuar per llogari te drejtësisë shqiptare. Ne 2013 Arben Frroku u shpall i pafajshëm nga Gjykata e Krimeve te Renda, ndërsa Prokuroria e apeloi vendimin. Por pak dite para se Apeli te jepte vendimin per burgim te përjetshëm, Frroku u largua jashtë vendit. Ai u shpall ne kërkim ndërkombëtar. Tashme pas arrestimit ne Holandë, policia e shtetit deklaron se ka nisur procedurat per ekstradimin e Arben Frrokut.
