Arrestohet 30-vjeçari në Pogradec, u kap duke transportuar 29 emigrantë të paligjshëm

Një 30-vjeçar në Pogradec është vënë në pranga pasi akuzohet se po transportonte me makinë 29 emigrantë të paligjshëm. I riu kishte brenda furgonit të tij 29 emigrantë që do të kalonin ilegalisht kufirin.

30-vjeçari do t’i transportonte emigrantët, kundrejt pagesës, me qëllim që të kalonin në mënyrë të paligjshme drejt vendeve të BE-së.

Në cilësinë e provës materiale u sekuestruan automjeti dhe 1 aparat celular. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.