Policia e Lushnjës ka arrestuar një 19-vjeçar, i cili akuzohet se ka publikuar video intime të një shtetaseje të mitur në rrjetet sociale.
Rasti në polici është denoncuar nga nëna 40-vjeçare e vajzës së mitur.
Ajo ka denoncuar në Komisariatin e Policisë Lushnjë, se një shtetas kishte publikuar në rrjetet sociale, një video të vajzës së saj të mitur 14 vjeçe.
Në vijim të veprimeve procedurale për këtë rast, u kap dhe u vu në pranga shtetasi H. Ç., 19 vjeç, banues në Fier, pasi nga veprimet hetimore dyshohet se ka publikuar në rrjetet sociale, videon intime të 14-vjeçares.
Celulari i shtetasit H. Ç. u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./vizionplus.tv
