Tetë zyrtarë kanë rënë në prangat e policisë pasi lejuan ndërtimin e të paktën 29 objekteve pa leje në Lushnje.
Zyrtarët e arrestuar janë punonjës të Inspektoratit të Mbrojtjes së Territorit si dhe të Policisë lokale.
Ata po hetohen për veprën penale të shpërdorimit të detyrës dhe për “korrupsion pasiv”.
Zyrtarët dyshohet se nuk kanë mbajtur procesverbalet e domosdoshme në objektet pa leje. Ndërsa policia nuk ka bërë kallëzimet penale ndaj personave që kanë ndërtuar, sikurse e kërkon ligji.
