Arrestohen dy të shumëkërkuarit Klement dhe Eldi Çala të cilët akuzohen për super grabitjen e Rinasit, ku në prill të vitit të shkuar moren nen kercenimin e armeve 4.6 milionë euro.
Në një operacion ku u përfshine 300 forca policore, vëllezërit Çala u prangosën në një banesë që kishin marrë me qira në zonën e Qerretit.
Policia thotë se u sekuestruan armë zjarri, sasi të mëdha vlerash monetare si dhe automjete.
Më 9 prill të 2019 një grup personash arritën që të grabisnin nje sasi te madhe parash qe po transportoheshin me makina te blinduara nga bankat e nivelit të dytë drejt Rinasit.
Pas një përplasje me Policinë, gjatë aksionit mbeti i vrarë organizatori kryesor i bandes, Admir Murataj.
Pas hetimeve të shumta Policia vendosi në pranga 7 persona përgjegjës për grabitjen dhe në kërkim u shpallën vëllezërit Klement dhe Eldi Çala të cilët u arrestuan pas 1 viti.
Ndërsa në kërkim vazhdon të jetë bashkëpuntor i tyre, Talo Çela.
