Dy korçarë që kërkoheshin nga policia u vunë në pranga këtë të premte. Fatmir Çaushllija, 35 vjeç, dhe Endri Risto, 36 vjeç, ishin lënë në arrest me burg nga Gjykata e Korçës për prodhim dhe shitje të narkotikëve.
Hetimet për ta kanë zgjatur dy muaj dhe sipas policisë, ka prova që tregojnë se shpërndanin heroinë e kanabis.
Gjithashtu, Policia e Korçës procedoi penalisht shtatë shtetas të tjerë, që dyshohet se blinin heroinë e kapsula metadoni tek dy të arrestuarit.
