Arrestohen dhjetëra shqiptarë në Itali

Nje vale arrestimesh kundër trafikanteve shqiptare te drogës jane kryer orët e fundit nga policia italiane ne Rome dhe Vareze. Dhjetëra persona përfunduan ne pranga ne dy operacione te koduara “Ça Bon 2” dhe “Daku”. Orët e para te mëngjesit te kësaj te premteje u godit rrjeti i pare kriminal i përfshirë ne trafikun e drogës dhe grabitjet me arme, i përbëre nga 22 shtetas shqiptare. Ne operacionin e pare ne kryeqytet u angazhuan rreth 100 forca policore nga Roma, te ndihmuara edhe nga Ancona, Cuneo, Padova, Prato dhe Viterbo. Baza e grupit ishte ne rrethinat e kryeqytetit, ne zona ku ka nje numër te larte shtetasish te huaj. Gjate operacionit u sekuestruan 350 kg droge e llojit marihuane, 500 gr kokaine, katër pistoleta dhe veshje te policisë qe shqiptaret i përdornin per te lehtësuar aktivitetin kriminal. Hetimet per rrjetin kishin nisur pas operacionit te pare ne vitin 2014, qe çoi ne arrestimin e pese shqiptareve me 800 kg marihuane. Droga fshihej ne garazhe qe zotëroheshin prej tyre. Shqiptaret jane arrestuar fale përgjimeve telefonike dhe pamjeve te kamerave te sigurisë, te vendosura prane vendeve te frekuentuara prej tyre. Deshifrimi i bisedave ishte i vështirë per shkak te gjuhës me kode qe ata përdornin.
Operacioni i dyte i policisë se Varezes prangosi 36 shqiptare, te përfshirë ne trafikun e lendeve narkotike mes Shqipërisë, Holandës dhe Italisë. 140 kg droge ne total, nga te cilat 58 kg kokaine, 18kg heroine, 31 kg hashash dhe 34kg marihuane u sekuestruan se bashku me 170 mije euro, dy shtëpi, nje pistolete e disa automjete.
Droga qe vinte nga Amerika e Jugut transportohej ne portet holandeze dhe me pas mbërrinte ne Itali e fshehur ne automjetet e modifikuara. Ajo shpërndahej ne rajonet e Lombardise, Piemontes e Venetos. Ne fundet e dyfishta te automjeteve jane gjetur edhe aparate telefonash te kriptuar qe i përdornin trafikantet. Nje pjese e parave te siguruara nga ky aktivitet shkonte per kreret e grupit, ndërsa nje tjetër transportohej nga korrierë me avionë ose me autobusë drejt Shqipërisë.