Ministri i Brendshëm Taulant Balla kqa reaguar pas arrestimit të Rexhep Rrapit, i njohur edhe si Kep Arapi ose “i forti i Sukthit”.
Balla ka pWrgëzuar SPAK dhe policinë për goditjen e grupit krimninal dhe thotë se këto operacione janë vetëm fillimi i vendosmërisë për të vijuar luftën kundër krimit të organizuar.
Lexo edhe :
Related Posts
Reagimi i plotë:
Përgëzime Policisë së Shtetit dhe prokurorëve të SPAK për goditjen e një tjetër grupi kriminal në Durrës. Revanshi i sundimit të ligjit ndaj krimit të organizuar po godet fort sëmundjen e vjetër të lidhjeve të krimit me policinë dhe drejtësinë. Në asnjë cep të territorit të kësaj republike s’mund të ketë më feude apo bajraqe, ku mbi ligjin dhe mbi qytetarët të jenë të fortët, të cilët edhe kur policia i shoqëronte tek dera e komisariatit, ata dilnin po atë ditë nga dritarja me vendime të blera tek tezgat e drejtësisë së vjetër.
Hetimet në bashkëpunim me SPAK, prokuroritë e jurisdiksionit të përgjithshëm, SHISH dhe agjenci të tjera ligjzbatuese të vendeve partnere për punonjës të nivelit të parë drejtues apo zbatues, të dyshuar për shpërdorim detyre, korrupsion, vepra penale në fushën e narkotikëve, veprime arbitrare, lidhje/komunikime me krimin si dhe çdo veprim tjetër të paligjshëm vijojnë dhe rezultatet e këtij procesi janë domethënëse:
339 punonjës policie të arrestuar/proceduar deri më tani.
Këto operacione dhe këto rezultate janë vetëm fillimi i vendosmërisë tonë për të vijuar me luftën frontale kundër krimit të organizuar dhe vetë-pastrimin e radhëve të Policisë së Shtetit nga ata elementë të cilët e dëmtojnë atë.
Rrapi u arretsua sot me urdhër të SPAK, pasi akuzohet si i përfshirë në tentativë për vrasje së bashku me Dedan Gjonin, ish-shefin e Komisariatit nr. 6 në Tiranë. Atentati kishte shënjestër Xhevdet Plakun. /vizionplus.tv
