Ministrja e Drejtësisë, Etilda Gjonaj ka reaguar në lidhje me arrestimin e ish Drejtorit të Përgjithshëm të burgjeve Arben Çuko.
Në reagimin e saj ministrja thekson se shkarkimin e Çukos e ka propozuar tek Kryeministri Rama më 3.09.2018.
“E përshëndes dhe e mbështes prokurorinë në zbardhjen deri në fund të veprimeve të ish-drejtorit dhe shpreh edhe njëherë vullnetin e hekurt të qeverisë shqiptare për të luftuar korrupsionin pa bërë dallime të asnjë natyre. Vija e sjelljes së kësaj qeverie ndaj korrupsionit është e qartë: Çdokush që shkel ligjin ka punë me drejtësinë. Pa dallim ngjyre, përkatësie politike apo ideje të gjithë janë të barabartë përpara ligjit dhe do të përgjigjen po njësoj përpara tij”.
