Një 59-vjeçar është arrestuar nga policia në Shijak pasi në banesën e tij u gjetën armë dhe municione të cilat ai do t’i shiste më pas.
2 pistoleta, 3 armë gjahu, municion luftarak, armë të ftohta, sende të kundërligjshme dhe 24 doza kokaine dhe 6 celularë u zbuluan në banesën e Shkelqim Varakut.
Nga hetimet rezulton se ai i ka marrë armët dhe municionet me qëllim shitjen po në Shijak.
Ndërkohë në Shkodër ka rënë në pranga një 23-vjeçar që kishte në banesë armë zjarri, armë sportive, si dhe thika e po ashtu shiste lëndë narkotike.
Aleksandër Mëhilli u kap në flagrancë gjatë natës, me doza kokaine dhe cannabisi, dhe më pas nga kontrolli në banesë iu gjetën edhe armët.
Edhe në Fushë Krujë pas një kontrolli në ambientet e një lokali, është arrestuar pronari Admirand Stafuka, si dhe Andi Xhafa, pasi ju gjetën një armë zjarri.
