Të paktën 170 të dyshuar u arrestuan të enjten gjatë operacioneve kundër terrorizmit në të gjithë Turqinë. Një hetim nga prokurorët e Ankarasë zbuloi se të dyshuarit kishin lidhje me Partine Komuniste Kurde dhe me organizatën terroriste ISIS, e po promovonin terrorizmin nëpërmjet llogarive të tyre në rrjetet sociale.
Më shumë se 1.200 njerëz, përfshirë personelin e forcave të sigurisë dhe civilë, kanë humbur jetën pasi PKK-ja – e listuar si një organizatë terroriste nga Turqia, SHBA-ja dhe BE-ja – rifilloi fushatën e saj të armatosur dhjetëvjeçare në korrik të vitit 2015.
Gjithashtu, 38 të dyshuar, përfshirë shtetas sirianë, u arrestuan për lidhjet e dyshuara me shtetin islamik në rajonet Osmangazi dhe Yildirim të provincës veriperëndimore të Bursas.
Gjatë aksionit janë konfiskuar edhe disa sende, ndërsa gjatë bastisjeve janë gjetur dokumente rreth planeve për sulme gjatë festimeve të Vitit të Ri.
Një vit më parë, një sulmues me armë zjarri ka vrarë 39 persona natën e ndërrimit të viteve, në një klub nate në Stamboll.
Më shumë se 300 vetë kanë humbur jetën në sulmet e ISIS në Turqi, ku organizata ka vënë në shënjestër civilët, me bomba vetëvrasëse, raketa dhe sulme me armë.
Forcat turke të sigurisë janë përfshirë në një fushatë të gjatë për të penguar sulmet dhe për të shtuar masat gjatë festimeve për ndërrimin e viteve.
