Arrest me burg. Ka qenë ky vendimi i marrë nga Gjykata e Durrësit për Gëzim Kajnon, i akuzuar për vrasjen e shtetasit Asllan Kërtusha, tri net më parë. Në seancën e mbajtur në orët e para të së premtes gjykata e ka vlerësuar të ligjshëm arrestimin e Kajnos nga policia. Gezim Kanjo akuzohet për vrasje me paramendim e kryer në bashkëpunim bashkë me nipin e tij. Të njëjtën masë sigurie kërkoi edhe Prokuroria e Rrethit të Durrësit. Ngjarja ndodhi rreth orës 19:00 të së martë në një lokal pranë Ujësjellësit në Durrës, ku Gëzim dhe Bledar Kajno të afërm me njeri-tjetrin nën efektin e alkoolit dhe për motive të dobëta janë konfliktuar me 30-vjeçari Kërtusha, në ambientet e brendshme të lokalit. Përplasja vijoi edhe në rrugë. Gëzim Kajno goditi me qytën e pistoletës në kokë Asllan Kërtushën. Por arma u shkrep, duke plagosur në krah Bledar Kajnon. Me të njëjtën pistoletë, Gëzimi ka qëlluar 30-vjeçarin, i cili ndërroi jetë në Spital.
Arrest me burg për Gëzim Kajnon
