Policia e Kurbinit finalizoi operacionin e koduar “Zheja” duke goditur një tjetër rast të trafikimit të lëndëve narkotike dhe armëmbajtjes pa leje.
U arrestuan në flagrancë dy shtetas, J. (K). Rr., 49 vjeç dhe E. Rr., 20 vjeç, banues në fshatin Zhejë, Kurbin.
Gjatë kontrollit të ushtruar në banesën e shtetasit J. (K.) Rr, u gjetën dhe sekuestruan një armë zjarri tip automatik, një sasi municioni luftarak, 22 m fitil detonator zjarrpërcjellës dhe 15.5 kg lëndë narkotike, e dyshuar kanabis.
Nga veprimet e para hetimore rezultoi se këta shtetas, në bashkëpunim me njëri-tjetrin po kërkonin treg për të shitur lëndën narkotike.
