Galeria e Universitetit të Arteve është pushtuar nga lulet. Që në hyrje, ndiet pushteti i tyre.
Do të duhej të ishte një pushtet i brishtë, njëlloj si ai që kanë lulet në jetën e njeriut, por në tre dhomat e galerisë gjen plumba, shenja zie, gjaku e telekamera.
Ekspozita është e veçantë që në hyrje. Nis jo me ndarjen e zakonshme të dhomave, por me një dritare nga mund të shquash gjithçka ka brenda.
Edhe teknika e përdorur është mjaft e veçantë. Diku ka printime, që i mbivendosen shenja telajosh, në qendër një instalacion, e më tutje një skulpturë.
Ekspozita që ka hapur dyert mbrëmjen e së mërkurës do të qëndrojë e hapur për publikun deri më 6 janar të 2018-ës.
