Disa të shtëna me armë zjarri u dëgjuan këtë të hënë në qytetin e Elbasanit, në zonën e Krastës. Paraprakisht mësohet se nga ngjarja mbeti i plagosur Ardian Çapja, 55 vjeç, një emër i njohur për policinë.
Ai është në spital, ndërsa bëhet me dije se autorët që kanë qëlluar në drejtimin e tij janë larguar me makinë.
Mjetit i është vënë flaka në zonën e Fushë Mbretit. Mësohet se brenda ka patur fishekë që kanë shpërthyer gjatë zjarrit dhe për pasojë është plagosur edhe një zjarrfikës.
