Arabia Saudite e Iraku nisin bashkëpunimin

Arabia Saudite dhe Iraku kanë vendosur të hapin kufirin për shkëmbimin e mallrave mes dy vendeve. Ky vendim historik shënon përmirësimin e marrëdhënieve pas mbylljes së kufirit në vitin 1990. Marrëdhëniet mes dy vendeve u përkeqësuan pas pushtimit të Kuvajtit nga Sadam Husein.

Marrëveshja e re përfshin edhe një donacion prej 10 milionë dollarësh qe do t’i jepet qeverisë irakiane nga Arabia Saudite. Ministri i jashtëm saudit ka vizituar Bagdadin, ndërsa është planifikuar krijimi një këshilli koordinues për forcimin e lidhjeve.