Vetëm disa orë pasi Ankaraja kërkoi ekstradimin e 18 shtetasve sauditë të arrestuar për përfshirje nw vrasjen e gazetarit Jamal Khashoggi, Rijadi është është përgjigjur duke thënë se ata do të gjykohen në vendin e tyre.
Ky vendim është bërë I ditur nga ministri i jashtëm i Arabisë Saudite Adel al-Jubeir.
ADEL AL-JUBEIR
MINISTER I JASHTEM I ARABISE SAUDITE
“Për çështjen e ekstradimit, individët janë shtetas sauditë. Ata janë arrestuar në Arabinë Saudite, dhe hetimi është në Arabinë Saudite, dhe ata do të ndiqen penalisht në Arabinë Saudite”
Ndwrkohw, Kryeprokurori i Arabisë saudite Saud al-Mojeb pritet të mbërrijë në Turqi në vazhdën e hetimeve për të zbuluar të gjithë skenarin e vrasjes macabre të gazetarit Khashoggi më 2 tetor.
Vizita e tij vjen vetëm disa ditë pasi shefja e CIA-s ishte në Stamboll.
E ndërsa presidenti I Turqisë Recep Tayyip Erdogan kërkon zbardhjen e vrasjes nga Arabia Saudite, liderët europianë si presidenti I Francës Emmanuel Macron dhe kancelarja gjermane Angela Merkel, bëjnë thirrje për sanksione pas vrasjes se Khashoggi.
EMMANUEL MACRON
PRESIDENT I FRANCES
“Për mua, gjërat janë të qarta: së pari, disa nga provat janë zbardhur, duhet të hetojmë plotësisht natyrën e këtyre fakteve dhe kush është përgjegjës. Sanksionet duhet të merren mbi këtë bazë dhe këto sanksione duhet të jenë koherente dhe të plota, dhe jashtëzakonisht konkrete dhe proporcionale.
Macron mbështet propozimin e kancelares Merkel e cila i bën thirrje vendeve të Bashkimit Europian të ndalojnë tregtinë e armëve me Arabinë Saudite deri në zbardhjen e plotë të vrasjes së gazetarit në konsullatën saudite në Stamboll.
ANGELA MERKEL
KANCELARE E GJERMANISE
“Kur gjithçka të bëhet më e qartë, kemi rënë dakord për një qëndrim të unifikuar europian nga të gjitha shtet antare për të trefuar se ne negociojmë në bazë të vlerave të përbashkëta.”
Arabia Saudite kritikon protestën globale rreth vrasjes së Khashoggi, ndërsa i përshkruan marrëdhëniet me Shtetet e Bashkuara si ende “te hekurta”, pavarësisht komenteve të sekretarit amerikan të shtetit James Mattis I cili tha se vrasja “minon stabilitetin rajonal”.
Rijadi qëllimisht mohoi se kishte dijeni për fatin e gazetarit të zhdukur, ndërsa pas ndryshimit të qëndrimit, tashmë mohon se familja mbretërore në pushtet është përfshirë në vrasje.
