Arabi, sulmohet Ambasada Amerikane

Nje sulm kamikaz ndodhi mëngjesin e kësaj te hene pranë konsullatës amerikane ne qytetin Xhedah ne Arabinë Saudite. Fatmirësisht si pasoje e sulmit, gjeti vdekjen vetëm personi qe shpërtheu veten. Dy police morën dëmtime te lehta. Sulmuesi parkoi automjetin pranë nje spitali përballe konsullatës dhe aktivizoi eksplozivin qe kishte ne trup me t’iu afruar dy roje te sigurisë. Konsullata Amerikane përmes nje deklarate sqaroi se asnjë prej pjesëtareve te stafit nuk është lënduar, ndërsa jane vendosur ne kontakt me autoritetet saudite, te cilët po e hetojnë ngjarjen, qe ndodhi ditën e pavarësisë se SHBA. Ambasada Amerikane ne Arabinë Saudite paralajmëroi shtetasit amerikane te tregohen te kujdesshëm kur udhëtojnë ne ketë vend. E njëjta konsullate ishte objekt i nje sulmi te ngjashëm ne vitin 2004 nga militantet e grupit terrorist Al Kaeda, qe shkaktoi vdekjen e 9 personave. Shteti Islamik ka kryer disa sulme me bomba dhe arme zjarri ne Arabi Saudite qe nga viti 2014, ne shënjestër te te cilave ka qene komuniteti shiit dhe forcat e sigurisë.