Ambasada e Shteteve të Bashkuara të Amerikës në Tiranë, bën apel juristëve ekspertë, të aplikojnë për të qenë anëtarë të organeve të rëndësishme për zbatimin e reformës në sistemin e drejtësisë. Përmes një postimi në facebook, Ambasada Amerikane shprehet se shumë shqiptarë patriotë kanë aplikuar tashmë për të shërbyer Këshillin e Lartë Gjyqësor dhe në Këshillin e Lartë të Prokurorisë, por nevojiten më tepër ekspertë. Ndaj, përfaqësia diplomatike nxit profesorë të kualifikuar të aplikojnë për të qenë pjesë e këtyre institucioneve të rëndësishme. Ambasada Amerikane ka pasur një rol të madh në hartimin e ndryshimeve kushtetuese dhe ligjeve në funksion të reformës në drejtësi. Madje duke ushtruar edhe presion ndaj klasës politike shqiptare, për miratimin e tyre në parlament.
