Ambasada e SHBA-ve në Tiranë iu ka bërë thirrje hetuesve specialë të BKH-së që të martën është afati i fundit për dorëzimin e aplikimeve.
Në një status zyrtar në “Facebook”, Ambasada shkruan se për ata që përmbushin kriteret, kjo është një mundësi shumë e mirë për t’u bërë pjesë e ekipit që do të punojë nën drejtimin e SPAK.
“Aplikimet për hetuesit specialë të BKH-së janë të hapura edhe për një ditë. ÇDOKUSH që përmbush kriteret e kërkuara mund të aplikojë për këtë mundësi shumë të mirë për t`u bërë pjesë e një ekipi që do të punojë nën drejtimin e Prokurorëve të SPAK për të hetuar shkeljet penale në fushën e korrupsionit dhe krimit të organizuar, si dhe për të garantuar një strukturë të pavarur nga çdo ndikim i paligjshëm, i brendshëm apo i jashtëm. Nxitoni, kjo është mundësia juaj! Aplikimet duhen dorëzuar deri nesër, 29 shtator. Shihni kriteret e kërkuara dhe çdo gjë që duhet të dini përpara se të aplikoni duke klikuar këtu: https://bit.ly/342pGTS”
