Apeli rikonfirmon Valbona Sakon, rrëzohet vendimi i shkallës së parë

Gjykata e Apelit rrëzoi vendimin e Gjykatës së Shkallës së Parë ne Durrës, për mos dhënien e mandatit të kryebashkiakes, Valbona Sako. Pasi shqyrtoi dosjen, apeli vendosi të prishë vendimin e dhënë nga  gjykatësja e shkallës së parë, Mimoza Margjeka e cila e konsideroi  procesin zgjedhor nul, per shkak se Bindja Demokratike ishte regjistruar me vonesë.

Pas seancës, kryebashkiakja Valbona Sako tha se sot “fitoi verdikti i qytetarëve”. Më 17 korrik, gjyqtarja Mimoza Margjeka nuk i dha mandatin Valbona Sakos, e shpallur fituese në votimet e 30 qershorit. Vetëm nje dite me pas Partia Socialiste iu drejtua serish gjykatës dhe nje gjyqtar i dyte dha një vendim krejtësisht te ndryshëm, duke i dhëne mandatin Sakos.