Antonio Banderas është mirë dhe shumë i shëndetshëm! Aktori foli në intervistë për herë të parë për atakun kardiak që pësoi muajin janar, duke lënë të gjithë të shqëtësuar për atë qëkishte ndodhur.
Banderas, mori pjesë në festivalin e filmit në Malaga, Spanjë, vendlindjen e tij. Antonio foli me gazetarët spanjisht, dhe tregoi më tepër për shëndetin, shtrimin në spital në Angli dhe dhimbjen në zemër teksa stërvitej.
Antonio, 56-vjeç, tha: “Pësova një atak kardiak më 26 janar, por nuk ishte edhe aq serioze. Nuk më shkaktoi asnjë dëm. Janë publikuar shkrime të shumta rreth asaj që ndodhi, por nuk janë të vërteta. Për fat të mirë nuk pësova asgjë të rëndë.”
Përmendim se gjatë ditëve të tij të vështira, por edhe tani, aktorit i ka qëndruar pranë, e dashura prej disa kohësh, Nicole Kimpel. Antonio duket se është shumë i dashuruar me të sepse poston shpesh foto, teksa shijojnë natyrën dhe bëjnë aktivitete të tjera. Më parë ai ka qenë i martuar me Melanie Griffith, me të cilën u nda më 2014-ën.
