“Anti-shpifja”/ Rama: Pa humbur kohë do të adresojmë në Kuvend sugjerimet e Venecias
Kryeministri Edi Rama deklaroi se opinioni i Komisionit të Venecias për Paketën “Anti-shpifje” do të merret parasysh nga mazhoranca.
Ai tha në “Tëitter” se në paketë do të reflektohen ndryshime me qëllim që çdo njeri të mbrohet nga shpifja.
“Mirënjohje Komisionit të Venecias për Opinionin mbi “Antishpifjen”!Tani pa humbur kohë të adresojmë në Kuvend sugjerimet e vyera dhe të garantojmë me ligj të drejtën e çdo njeriu për t’u mbrojtur nga Shpifja,si dhe detyrimin e çdo portali për t’u identifikuar si subjekt i ligjit.”
Komisioni i Venecias i rekomandoi qeverisë shqiptare rishqyrtimin e paketës antishpifje. Në draf-opinion thuhet se amendamentet e ligjit nuk janë gati për zbatim në variantin aktual, dhe se ka paqartësi, e për pasojë ndryshimet mund të sjellin dëm në lirinë e shprehjes.
