Princi William po bën një hap të madh për të luftuar të pastrehët në Britani, përmes dokumentarit të ri Prince William: We Can End Homelessness , i cili u shfaq së fundmi në vendin e tij. Në veçanti, e shohim duke pranuar se ndihet i shqetësuar dhe i frikësuar nga përmasat e “misionit” që ka ndërmarrë , por ai beson se kjo përpjekje mund të sjellë ndryshime thelbësore për njerëzit që nuk kanë një çati të qëndrueshme.
Nisma Homewards, e nisur në qershor 2023, është një nga lëvizjet e tij më të rëndësishme. “Duhet të gjejmë një mënyrë më të mirë sesa të pajtohemi me ekzistencën e të pastrehëve”, thotë ai në mënyrë karakteristike, duke dëshmuar përkushtimin e tij ndaj kësaj çështjeje.
Vendimi i tij rrjedh nga ndikimi i nënës së tij, Princeshës Diana , e cila i tregoi atij problemin e të pastrehëve që në moshë të re. William kujton me humor se Diana ndoshta do të mendonte se ishte “i çmendur” për këtë vendim, por siç thotë ai, “Ajo që unë dua të shoh – dhe jam i sigurt se do të donte – është diçka për t’u bërë, për të pasur lëvizje dhe ndryshim.”
View this post on Instagram
Madje, Princi i Uellsit kujton përvojat e tij të para kur nëna e tij e mori me vete në strehimoret e të pastrehëve , duke thënë se edhe pse në atë kohë ishte fëmijë, ai po përpiqej ta kuptonte këtë realitet. “Isha rreth 8 ose 9 vjeç kur më shpjegoi për herë të parë. Më kujtohet se pyeta pse këta njerëz janë atje dhe çfarë po ndodh”.
Pavarësisht ankthit që ndjen për përgjegjësinë që po merr, William mbetet optimist dhe i vendosur për të sjellë rezultate pozitive, duke deklaruar se “gjëja e fundit që dua është të filloj diçka që nuk do të arrij ta përfundoj”./vizionplus.tv
