Biznesi vijon ta ketë në krye të listës së shqetësimeve vonesën në rimbursimin e tatimit mbi vlerën e shtuar.
Ndonëse janë bërë një sërë ndryshimesh ligjore me qëllim rimbursimin për 30 ditë, ky afat jo vetëm që nuk respektohet por për biznesin nuk ka as transparencë në radhën që ndiqet.
Këtë shqetësim ia prezantoi dhoma amerikane e tregtisë, drejtores së tatimeve.
Bizneset e dhomës amerikane vijojnë më tej me ankesat lidhur me infromalitetin në treg, i cili mbetet problem serioz pasi krijon konkurrencë të pandershme.
Këto ankesa të sipërmarrësve vijnë në një kohë që qeveria ka mbyllur fazën e tretë të aksionit antiinformalitet, për të cilin drejtorja e tatimeve Vasilika Vjero dha këto rezultate
Por në kohën kur drejtuesit e tatimeve do ti jepnin përgjigje shqetësimeve të biznesit për TVSH dhe konkurrencën e pandershme, drejtuesit e takimit vendosën që të nxjerrin mediat për të vijuar diskutimin me dyer të mbyllura.
