Marrëdhëniet mes Ankarasë dhe Athinës janë ne piken me kritike pas deklaratës së Ministrisë së Jashtme Turke, e cila i kërkon presidentit grek Prokopis Pavlopulos, të respektojë të drejtën ndërkombëtare dhe kufijtë e shtetit turk. Turqia i bën thirrje Athinës të ndalojë retorikën e dëmshme.
Nëse historia na detyron, atëherë do të veprojmë si paraardhësit tanë, thuhet ne deklaratën e Ministrisë se Jashtme.
Tensionet mes vendeve u rritën pas arrestimit të dy oficerëve grekë.
Së fundmi, SHBA-të kanë rritur praninë e forcave detare në Mesdhe, për shkak të shqetësimit të shkaktuar nga sjelljet e fundit te Ankarasë.
Nga ana tjetër, kryeministri grek Aleksis Tsipras, në mbledhjen urgjente të së martës, vendosi të ndjekë rrugën e diplomacisë dhe durimit mbi retorikën me Turqinë. Gjithashtu Cipras, zhvilloi një bisedë telefonike me sekretarin e OKB-së, Antonio Gutierres, me te cilin diskutoi për një sërë çështjesh, përfshirë tensionet me Turqinë, marrëdhëniet me Shqipërinë si dhe çështjen e emrit me Maqedoninë.
