Anila Denaj: Ja dolëm edhe në një vit të vështirë
Ministrja e Ekonomisë, Anila Denaj deklaroi se qeveria shqiptare ja doli të menaxhojë krizën ekonomike të shkaktuar nga tërmeti dhe pandemia.
Nga foltorja e Kuvendit, Denaj tha se biznesi u mbështet nga qeveria si edhe u dhanë paga për 300 mijë individë.
“Bizneset e vogla në Shqipëri, në vitin 2020 ishin në valën e parë të vështirësive të falimentit. U mbyll ekonomia, jo vetëm këtu. Recesioni ekonomik në botë parashikohet në 3.5%. Edhe pse mbyllja e ekonomisë dhe vështirësitë e biznesit u përballën me pandeminë dhe tërmetin, unë them se ja dolëm në një vit të vështirë. Biznesi i vogël mori masa për të dalë nga kjo situatë me ndihmën e qeverisë. Janë dhënë paga për 300 mijë individë. Qeveria qëndron në anën e bizneseve duke eleminuar disa taksa”, u shpreh Anila Denaj.
