Është Uellsi fituesi i madh i ndeshjeve te para ne grupin B, pasi me tre piket e marra ne ndeshjen ndaj Sllovakisë ne Bordo kryeson renditjen, teksa Anglia dhe Rusia ndanë nga nje barazim mes tyre. Ne Velodrome te Marsejës kane dominuar lojtaret e Roi Hodxhson, ndërsa Rusia ka ndenjur gjate ne pritje e pozicionuar mire dhe duke mbyllur hapësirat per sulmuesit e tre luanëve. Anglezet kane befasuar me kapitenin Runi qe është pare ne rolin e nje Plejmejkeri dhe me një formacion te bazuar te 5 lojtare te Totenhemit. Ndërkohe Slutski ne krahun tjetër eshte kundërpërgjigjur me nje pesëshe lojtaresh te CSKA-se se Moskës. Gjithsesi ishte pikërisht nje lojtar i Totenhemit 22-vjecari Erik Dajer i cili zhbllokoi rezultatin ne minute e 74 te ndeshjes. Deri atëherë Runi, Lallana apo edhe Herri Kejn nuk kishin arritur te shënonin. U duk sikur goditja e dënimit do te ekzekutohej nga Kejn, por ne fakt ka goditur fort Dajer dhe topi është ndalur ne rrjetën e Akinfeev. Kur u duk sikur gjithçka po shkonte drejt fitores se merituar te anglezeve, lëvizjet e Slutskit sollën golin e barazimit. Futja ne fushën e lojës e dyshes Glushakov – Shirkov prodhoi golin e shënuar ne fakt nga Berezutski, por qe fillimisht u duk se u prek për te fundit here nga Glushakov. Ishte minuta e 93 dhe per anglezet, nuk kishte me kohe ndërkohe qe ruset mund te kishin bere maksimumin pas nje dalje te çmendur nga porta te Joe Hart. Gjithsesi fituesi i madh është Uellsi qe me golat e Garreth Bejl dhe te Kanu ne pjesën e dyte i mori tre pike Sllovakisë, qe barazoi përkohësisht me Duden. Edhe nëse Uellsi tashme mund t’i humbe dy ndeshjet e radhës, serish ka shanse te kualifikohet nga vendi i trete me piket e plota të marra ndaj sllovakeve. Por është ende herët per te bere llogari te tilla.
