Kancelarja gjermane, Angela Merkel do të vaksinohet këtë të premte me vaksinën “Astrazeneca”.
Ajo do të marrë këtë dozë në një kohë kur shumë vende e pezulluan përdorimin e kësaj vaksine, për shkak të skepticizmit dhe dyshimeve mbi efektivitetin e saj.
Pas raportimeve të mpiksjes së rrallë të gjakut tek të rinjtë, aktualisht, autoritetet gjermane po lejojnë vetëm njerëzit mbi moshën 60 vjeç që të marrin këtë lloj vaksine.
Një zëdhënës i Merkel nuk pranoi të konfirmonte raportet, por, sipas mediave gjermane, ai vuri në dukje se qeveria kishte thënë të hënën se kancelarja do të vaksinohej së shpejti.
Të enjten, u vaksinua edhe presidentja e Komisionit Evropian, Ursula von der Leyen, e cila mori dozën e “BioNTech/Pfizer”
