Policia e Lezhës ka vënë në pranga dy persona të shpallur në kërkim ndërkombëtar. Tonin Kameri (alias Aleks Ionescu) dhe Pavlin Bregaj (alias Pavlin Tuku) rezultonin të shpallur në kërkim nga drejtësia italiane.
Vendi fqinj i akuzon dy të arrestuarit sit ë përfshirë në organizatë kriminale me qëllim trafikimin e lëndëve narkotike.
Ndërkohë, policia ka shoqëruar dhe të afërmin e një nga të arrestuarit, pasi ka lejuar që personi i shpallur në kërkim të përdorte identitetin e tij për t’iu shmangur drejtësisë.
Gjatë operacionit të policisë italiane, ku janë shpallur në kërkim dy shtetasit e arrestuar, janë sekuestruar 7 kg lëndë narkotike kokainë.
