Anderlehti i Besnik Hasit ndalet në transfertë

Pas dy fitoreve radhazi Anderlehti është ndalur në javën e 25 te kampionatit belg ne fushën e Mechelen. Skuadra e drejtuar nga trajneri shqiptar Besnik Hasi nuk shkoi më shumë sesa barazimi 2 me 2 duke humbur kështu shansin për të marrë vendin e dytë në renditje e për t’i bërë kështu presion dyshes Gent dhe Club Brugge. Ndeshja e transmetuar në platformen Tring gjithsesi ka qënë e bukur dhe me ritëm të lartë. Vendasit befasuan Anderlechtin që në minutën e 12 duke shënuar me anë të Mats Rits. Megjithatë avantazhi i Mechelen zgjat vetëm 6 minuta sepse Frank Acheampong barazon rezultatin. I njëjti lojtar përmbys shifrat në favor të skuadrës mike në minutën e 70. U duk se Anderlehti do të shkonte drejt fitores së trete radhazi në kampionat por vendasit arrijnë të barazojnë pas 3 minutash me anë të Nikolas Verdier. Skuadra e Hasit qëndron kështu e treta në renditje me 48 pikë, 1 më pak sesa Bryzh dhe 3 më pak sesa Gent, dy ekipe këto që do të përplasen me njëra – tjetrën këtë të diele.

Benfika merr vendin e parë në renditje

Në Portugali, Benfika mori përkohësisht kryesimin e kampionatit pasi fitoi 0 me 5 në derbin e Lisbonës kundër Belenenses. Paraqitje bindëse e skuadrës së trajnerit Rui Vitoria e cila në 2016 nuk ka njohur asnjë ndalesë duke I bërë presion Sportingut të Lisbones në garën për titullin kampion. Takimi i luajtur në estadio Do Restelo në lagjen historike te Lisbones Belen, u zhbllokua në minutën e 41 pas një goditje me kokë të Mitroglu, ndihmuar edhe nga gabimi i portierit vendas. Pjesa e dytë ishte një monolog i gjithë i Benfikes që shpërfytyroi Belenenses duke i shënuar edhe 4 herë të tjera. Protagonist ishin sërish greku Mitroglu me dy gola të tjerë dhe goledadori i skuadrës Zhonas, autor i një dopiete. Kampionet ne fuqi të Portugalisë ngjiten ne 52 pikë, 1 më shumë sesa Sporting që luan të hënën në shtëpi ndaj Rio Aves.

Leave a Reply

Your email address will not be published. Required fields are marked *