Amerikanet votojnë kete te marte per te zgjedhur presidentin e 45-te historisë se tyre, pas nje gare te ethshme dhe shume te ashpër mes demokrates Hilari Klinton dhe Donald Tramp. Qendrat e votimit hapen dhe mbyllen me orare te ndryshme ne varësi te shteteve, ndërsa sipas te dhënave afro 40 perqind e amerikaneve e kane ushtruar te drejtën per te zgjedhur përmes votimit te parakohshëm, nje shifër kjo rekord. Miliona amerikane i drejtohen kutive te votimit, por rezultati do te përcaktohet nga nje trupe prej 538 anëtaresh te Kolegjit Zgjedhor, te quajtur “Zgjedhësit e mëdhenj”. Secili prej 50 shteteve amerikane, si edhe Distrikti i Kolumbias jane te përfaqësues ne Kolegj ne varësi te numrit te popullsisë me 3 deri ne maksimumi 55 vota. Per tu zgjedhur president nje kandidati i duhen te paktën 270 vota elektorale. Ne rastet e rralla kur votat ndahen ne mënyre te barabarte, atëherë presidenti zgjidhet nga Dhoma e përfaqësuesve. Duke qene se presidenti amerikan nuk zgjidhet drejtpërdrejt nga vota popullore, por nga Kolegji Elektoral ka patur raste kur shumica e votës popullore nuk eshte përkthyer direkt ne vote kolegjiale per zgjedhjen e presidentit. Rasti me klasik është beteja e vitit 2000 me demokratit Al-Gore dhe republikanit Xhorxh W. Bush, aty ku ky i fundit u zgjodh ne krye te Shtëpisë se Bardhe me 271 vota, edhe pse rival i tij kishte me shume vota. Ne sondazhe demokratja Hilari Klinton është përpara, ndërsa demokratet pritet te rifitojnë kontrollin e senatit. Gara me e ashpër zhvillohet ne shtate shtete, Uiskonsin, Karoline e Veriut, Misuri, Indiana, Nju Hempsher, Pensilvani dhe Nevada.

Leave a Reply

Your email address will not be published.