Ambasadori amerikan Donald Lu ka zhvilluar ne mesdite nje takim me ish-kryeministrin Sali Berisha. Kjo është hera e pare qe diplomati amerikan takohet me ish-kreun e Partisë Demokratike Berisha, qe prej nisjes se protestës te opozitës dhe bojkotit te Parlamentit. Ajo qe bie ne sy ne njoftimin e shpërndare per mediat nga zyra pranë ish-kryeministrit është se ne asnjë moment Berisha nuk ka folur per krijimin e nje qeverie teknike, per shtyrje te zgjedhjeve apo bojkot te tyre; te cilat përbejnë tezat kryesore te kreut te PD Lulzim Basha. Ne njoftim e zyrës se shtypit sqarohet se Berisha e ka njohur diplomatin amerikan me arsyet e protestës dhe bojkotit te parlamentit. Arsyeja e pare sipas Berishës është kanabizimi i vendit, pastaj lirimi i bandave kriminale me te rrezikshme, si dhe presioni mbi administratën publike per te votuar qeverinë. Gjate bisedës me ambasadorin, Berisha ka përsëritur akuzat kundër Xhorxh Sorros, duke theksuar se qeveria amerikane duhet të ndalojë veprimtarinë e tij ne mbështetje te kryeministrit Edi Rama.
