Ambasadori i Shteteve të Bashkuara në Beograd Kyle Scott, apeloi qe qeveria e re e cila do te krijohet pas zgjedhjeve te 6 tetorit në Kosovë, të heqë taksën e të rifillojë dialogun.
Gjatë një interviste për mediat serbe, Scott theksoi se Uashingtoni mbështet normalizimin e marrëdhënieve mes Kosovës e Serbisë.
Diplomati amerikan u shpreh qartë se Kosova është vend i pavarur dhe se ShBA nuk mund ta detyrojë Prishtinën apo Beogradin te marrin vendime.
“Shtetet e bashkuara mbështesin normalizimin e raporteve dhe do të bëjnë gjithçka munden për të inkurajuar arritjen e një marrëveshjeje, e cila është në interes jo vetëm të dy vendeve, por të gjithë rajonit”, – deklaroi ambasadori amerikan.
