Ambasada e Gjermanisë në Tiranë ka njoftuar se duke filluar nga kjo e hënë (20 korrik), Zyra e Vizave dhe Pashaportave do të jetë e mbyllur për arsye parandaluese të përhapjes së koronavirusit.
Në njoftim thuhet se personat e prekur nga mbyllja e zyrës do të marrin në momentin më të parë të mundshëm një date dhe orë të re aplikimi.
“Ne do të informojmë përmes faqes së internetit apo Faceboouk-ut sapo zyra të rinisë veprimtarinë e saj. Lutemi për mirëkuptimin tuaj. Në raste urgjente konsullore mund të na kontaktoni përmes numrit të shërbimit të gatshëm 068 202 9109. Lutemi për mirëkuptimin tuaj që përmes këtij numri nuk mund të japim informacione rreth datave të aplikimit apo procedurave për vizë”, thuhet mes të tjerash në reagim.
