Ambasada e SHBA në Tiranë ka uruar të gjithë besimtarët muslimanë në lidhje me festën e Kurban Bajramit.
Në një postim në “Facebook”, ambasada duke cituar një shprehje të Eid Mubarak, ka lëshuar një mesazh edhe për politikën ku ka kërkuar reflektim mbi angazhimin e përbashkët për ndërtimin e komuniteteve paqësore e të begata.
“Në emër të Ambasadës së Shteteve të Bashkuara, iu shprehim urimet më të mira të gjithë atyre që festojnë Kurban Bajramin. Kjo ditë ofron një mundësi për të reflektuar mbi angazhimin tonë të përbashkët për ndërtimin e komuniteteve paqësore dhe të begata. Eid Mubarak.”
