Ambasadorja e SHBA-ve, Yuri Kim ka zhvilluar këtë të hënë një takim me presidentin Ilir Meta.
Përmes një reagimi në “Facebook”, Ambasada Amerikane shkruan se diplomatja i prezantoi letrat kredenciale kreut të shtetit, si dhe diskutuan mbi marrëdhënien mes SHBA-ve dhe Shqipërisë.
“Ambasadorja e re e Shteteve të Bashkuara të Amerikës në Shqipëri Yuri Kim i prezantoi letrat kredenciale Presidentit Ilir Meta sot në mëngjes. Pas ceremonisë, Ambasadorja Kim dhe Presidenti Meta biseduan mbi miqësinë e gjatë midis Shteteve të Bashkuara dhe Shqipërisë, si dhe përsëritën angazhimin e përbashkët për të vijuar përparimin e saj duke u mbështetur në forcën e marrëdhënies sonë”, thuhet në njoftimin e Ambasadës së SHBA-së në Tiranë.