Kreu i komanduar i PD, Enkelejd Alibeaj iu ka dhënë përgjigje pikëpyetjeve të mëdha lidhur me ecurinë e kësaj force politike në betejën e radhës përballë Partisë Socialiste.

 

Ai ka deklaruar para mediave se prezantimi i kandidatëve nën logon e Partisë së Lirisë nga Berisha është një akti i papranueshëm nga statuti. Ai shtoi se Partia e Lirisë ka punuar për të sjellë kryeministrin Rama në pushtet, ndaj sipas këtij argumenti Alibeaj theksoi se kjo do t’iu hiqte identitetin demokratëve.

 

“PD nuk ka se si të ketë dy kandidatë. Ka vetëm një kandidat. Kandidatët e tjerë mund të jenë nën logon e partive të tjera, në PS ose në PL. Së dyti, të marrësh demokratë dhe t’i çosh në një parti tjetër që nuk ka ngjyrën apo këtë logon e demokratëve, unë besoj që është e tillë që është e papajtueshme me qëndrimin, anëtarësinë e PD-së”, tha Alibeaj.

 

Lidhur me raportin e tij personal me Sali Berishën, Alibeaj deklaroi se kjo çështje shkon përtej personales.

Po më pyesni për Sali Berishën? Unë e kam bërë të qartë këtu e një vit e gjysmë më para. Nuk është çështje personale, por çështje identiteti. PD ësht themeluar si parti properëndimore. Marrëdhëniet e saj me SHBA, Britaninë dhe BE janë ADN-ja e kësaj partie. Raporti i kësaj partie është e shenjtë. Ne kemi bërë maksimumin përtej çdo durimi për të bërë të mundur të kemi një kandidat për demokratët. Për të gjithë qytetarët që janë të pakënaqur nga regjimi i Edi Ramës”, tha ai.

 

Por, a i ka Alibeaj emrat e 61 kandidatëve për pushtetin vendor? Diskutim ishte për emrat këshilltarët dhe kryetar bashkie. Ka një vendim të kryesisë me datën 2 dhe 4 nëntor të vitit të kaluar, do të marrim pjesë në zgjedhje. Procesi është një proces në vazhdim. Ky proces siç është parashikuar, bazohet në statutin e partisë. Në një nga mbledhjet e mëparshme, të kandidatëve të cilët dolën nga procesi i primareve që vijon nga një trajektore nga degët dhe kryesia. Ajo se çfarë është diskutuar është ka qenë në vijim të asaj se çfarë ka qenë qëndrimi ynë”, u përgjigj kreu i komanduar i PD.

 

Alibeaj shtoi se thirrjet për bashkim ishin në emër të përfaqësimit të demokratëve dhe shqiptarëve, si një domosdoshmëri në rrëzimin e atij që i referohet si regjimi i Ramës.

 

“Kemi bërë maksimumin për pasjen e një kandidati të një demokratëve”, tha ai.

Alibeaj mblodhi Grupin Parlamentar të PD këtë të hënë në një mbledhje që zgjati mbi tre orë. Fokusi i diskutimeve ishin zgjedhjet vendore dhe strategjia që ky subjekt do të përdorë për të mposhtur mazhorancën.

Leave a Reply

Your email address will not be published. Required fields are marked *